អក្សរសាស្ត្រអង់គ្លេសសម្រាប់ទំនាក់ទំនង
ជំនាញ អក្សរសាស្រ្តអង់គ្លេសសម្រាប់ការធ្វើទំនាក់ទំនង English for Professional Communication
- ចំណេះដឹងមូលដ្ឋានដែលបេក្ខជនត្រូវចេះសម្រាប់ទៅសិក្សាមុខជំនាញនេះ៖ចំណេះដឹងទូទៅ ភាសាអង់គ្លេស។
- ការសិក្សាដើម្បីទទួលបានសញ្ញាបត្របរិញ្ញាបត្រលើមុខជំនាញនេះ៖ សិក្សារយៈពេល៤ឆ្នាំ ដោយរាប់បញ្ចូលទាំងថ្នាក់ឆ្នាំសិក្សាមូលដ្ឋាន មានចំនួនក្រេឌីតសរុបយ៉ាងតិច ១២០ក្រេឌីត។
- ចំណេះដឹង និងបំណិនដែលនិស្សិតទទួលបានក្រោយពីបញ្ចប់ការសិក្សារយៈពេល៤ឆ្នាំ៖
- ប្រើភាសាអង់គ្លេសឲ្យសមរម្យនឹងស្ថានភាព ការជជែកពិភាក្សាការងារ កិច្ចប្រជុំ ការសន្ទនាផ្លូវការជាមួយអតិថិជន ឬដៃគូអាជីព
- សរសេរឯកសារផ្លូវការដូចជា អ៊ីមែលវិជ្ជាជីវៈ ប្រវត្តិរូប (CV) រាយការណ៍ផ្នែកអាជីវកម្ម ការបង្ហាញសេចក្តីរាយការណ៍ និងលិខិតស្នើសុំ។ល។
- អភិវឌ្ឍជំនាញស្តាប់ ការណែនាំ និងការប្រាស្រ័យទាក់ទងជាផ្លូវការ
- និយាយអង់គ្លេសច្បាស់លាស់ស្របតាមស្ថានភាពដូចជា កិច្ចប្រជុំ ការផ្ដល់បទបង្ហាញ និងការចរចារ
- រៀបចំឯកសារផ្លូវការភាសាអង់គ្លេសតាមទ្រង់ទ្រាយល្អ ងាយអានងាយយល់ ហើយសមនឹងបរិបទទំនាក់ទំនងនិងគោលបំណងវិជ្ជាជីវៈ
- សរសេរឯកសាជាផ្លូវការ ផ្តល់ព័ត៌មាន សរសេរចំណងជើង និងប្រើពាក្យឲ្យសមនឹងឯកសារផ្លូវការ
- ប្រាស្រ័យទាក់ទងជាមួយមនុស្សដែលមានវប្បធម៌ចម្រុះដោយជោគជ័យក្នុងបរិបទជាតិ និងអន្តរជាតិ
- អភិវឌ្ឍន៍សមត្ថភាពក្នុងការសន្ទនាជាមួយមនុស្សជាផ្លូវការ ដូចជា ជាមួយមេដឹកនាំ ក្រុមការងារ ឬអតិថិជន
- បង្ហាញមតិយោបល់ ការឆ្លើយឆ្លងសំណួរ និងចូលរួមជជែកដោយមានទំនុកចិត្ត
- រៀបចំនិងធ្វើបទបង្ហាញដូចជាសេចក្តីរាយការណ៍ទិន្នន័យ គំនិតអាជីវកម្ម ដោយប្រើភាសាអង់គ្លេសដែលច្បាស់លាស់ និងមានភាពទាក់ទាញ
- ប្រើប្រាស់បច្ចេកវិទ្យាសម្រាប់ការប្រាស្រ័យទាក់ទង
- ប្រើជំនាញទំនាក់ទំនងពីចម្ងាយ សម្រាប់ការងារអនាគត ជាមួយនឹងបច្ចេកវិទ្យា
- ធ្វើការជាក្រុម ដោយមានការចែករំលែកព័ត៌មាន បញ្ចេញយោបល់ដោយការគោរព និងអភិវឌ្ឍការសហការយ៉ាងមានប្រសិទ្ធភាព។
- អង្គភាព ឬមូលដ្ឋានដែលអ្នកសិក្សាចប់មុខជំនាញនេះអាចទៅបម្រើការងារ៖
- អ្នកទំនាក់ទំនងសាធារណៈ ទំនាក់ទំនងអាជីវកម្ម មន្ត្រីការទូត និងមន្រី្តអ្នកនាំពាក្យ
- អ្នកឯកទេសទំនាក់ទំនងសាធារណៈ
- អ្នកជំនាញនិយាយជាសាធារណ:
- ប្រធានផ្នែកទំនាក់ទំនងសាជីវកម្ម
- អ្នកបកប្រែ និងអ្នកនាំភ្ញៀវទេសចរណ៍
- អ្នកសារព័ត៌មាន មន្រ្តីទំនាក់ទំនងប្រព័ន្ធផ្សព្វផ្សាយ
- មន្រ្តីផ្នែកការងារសង្គមក្នុងសហគមន៍អាជីព
- ការងារផ្សេងៗទៀតក្នុងស្ថាប័នរដ្ឋ ឯកជន និងអង្គការសង្គមស៊ីវិល។
