ជំនាញវិស្វកម្មកុំព្យូទ័រ  Software Engineering

• ចំណេះដឹងមូលដ្ឋានដែលបេក្ខជនត្រូវចេះសម្រាប់ទៅសិក្សាមុខជំនាញនេះ៖ គណិតវិទ្យា រូបវិទ្យា។
• ការសិក្សាដើម្បីទទួលបានសញ្ញាបត្របរិញ្ញាបត្រលើមុខជំនាញនេះ៖ សិក្សារយៈពេល៤ឆ្នាំ ដោយរាប់បញ្ចូលទាំងថ្នាក់ឆ្នាំសិក្សាមូលដ្ឋាន មានចំនួនក្រេឌីតសរុបយ៉ាងតិច ១២០ក្រេឌីត។
• ចំណេះដឹង និងបំណិនដែលនិស្សិតទទួលបានក្រោយពីបញ្ចប់ការសិក្សារយៈពេល៤ឆ្នាំ៖
  • អនុវត្តចំណេះដឹងផ្នែកគណិតវិទ្យា វិទ្យាសាស្ត្រ មូលដ្ឋានគ្រឹះវិស្វកម្ម និងជំនាញវិស្វកម្ម ទៅនឹងដំណោះស្រាយនៃបញ្ហាវិស្វកម្មស្មុគស្មាញ
  • ស្វែងយល់ពីផលប៉ះពាល់នៃដំណោះស្រាយវិស្វកម្មដែលមានជំនាញវិជ្ជាជីវៈនៅក្នុងបរិបទសង្គម និងបរិស្ថាន ព្រមទាំងចំណេះដឹងនិងតម្រូវការសម្រាប់ការអភិវឌ្ឍន៍ប្រកបដោយចីរភាព
  • ការវិភាគបញ្ហា៖ កំណត់អត្តសញ្ញាណ និងវិភាគបញ្ហាវិស្វកម្មស្មុគ្រស្មាញ ឈានដល់ការសន្និដ្ឋានជាក់ស្តែង ដោយប្រើគោលការណ៍គណិតវិទ្យា វិទ្យាសាស្ត្រធម្មជាតិ និងវិទ្យាសាស្ត្រវិស្វកម្ម
  • រចនា/អភិវឌ្ឍន៍ដំណោះស្រាយ៖ រចនាដំណោះស្រាយសម្រាប់បញ្ហាវិស្វកម្មស្មុគ្រស្មាញ និងធាតុផ្សំនៃប្រព័ន្ធរចនា
  • អង្កេតលើបញ្ហាស្មុគ្រស្មាញ៖ ប្រើប្រាស់ចំណេះដឹងផ្អែកលើការស្រាវជ្រាវ និងវិធីសាស្រ្តស្រាវជ្រាវ រួមទាំងការពិសោធន៍ វិភាគ និងបកស្រាយទិន្នន័យ សំយោគ និងធ្វើការសន្និដ្ឋាន
  • អនុវត្តហេតុផល វាយតម្លៃបញ្ហាសង្គម សុខភាព សុវត្ថិភាព ច្បាប់ និងវប្បធម៌ និងទំនួលខុសត្រូវដែលពាក់ព័ន្ធទៅនឹងការអនុវត្តវិស្វកម្មវិជ្ជាជីវៈ
  • អនុវត្តគោលការណ៍សីលធម៌ និងប្តេជ្ញាចំពោះក្រមសីលធម៌វិជ្ជាជីវៈ និងទំនួលខុសត្រូវ និងបទដ្ឋាននៃការអនុវត្តវិស្វកម្ម
  • បំពេញមុខងារប្រកបដោយប្រសិទ្ធភាពក្នុងនាមបុគ្គល ជាសមាជិក ឬអ្នកដឹកនាំនៅក្នុងក្រុមចម្រុះ
  • ការសិក្សាពេញមួយជីវិត សមត្ថភាពសិក្សាដោយឯករាជ្យនិងពេញមួយជីវិតក្នុងបរិបទដ៏ទូលំទូលាយ នៃការផ្លាស់ប្តូរបច្ចេកវិទ្យា
  • ប្រើប្រាស់ឧបករណ៍ទំនើប ឧបករណ៍ IT រួមទាំងការទស្សន៍ទាយ និងគំរូចំពោះសកម្មភាពវិស្វកម្មស្មុគ្រស្មាញ ជាមួយនឹងការយល់ដឹងអំពីដែនកំណត់
  • ទំនាក់ទំនងប្រកបដោយប្រសិទ្ធភាពលើសកម្មភាពវិស្វកម្មស្មុគ្រស្មាញជាមួយសហគមន៍វិស្វកម្ម និងជាមួយសង្គមទាំងមូល។

• អង្គភាព ឬមូលដ្ឋានដែលអ្នកសិក្សាចប់មុខជំនាញនេះអាចទៅបម្រើការងារ៖
  • អ្នកបង្កើតកម្មវិធី/វិស្វករកម្មវិធីកុំព្យូទ័រ
  • អ្នកអភិវឌ្ឍន៍កម្មវិធីគេហទំព័រ
  • អ្នកបង្កើតកម្មវិធីទូរស័ព្ទ
  • អ្នកអភិវឌ្ឍន៍កម្មវិធីហ្គេម
  • អ្នកវិទ្យាសាស្ត្រទិន្នន័យ / អ្នកវិភាគទិន្នន័យកុំព្យូទ័រ
  • វិស្វករ AI
  • អ្នកឯកទេសសុវត្ថិភាពតាមអ៊ីនធឺណិត
  • អ្នកគ្រប់គ្រងប្រព័ន្ធទិន្នន័យ
  • អ្នកវិភាគប្រព័ន្ធទិន្នន័យកុំព្យូទ័រ
  • ជាគ្រូបង្រៀនក្នុងផ្នែកវិស្វកម្មកុំព្យូទ័រ
  • និងការងារផ្សេងទៀតក្នុងបច្ចេកវិទ្យាព័ត៌មាន ឆ្លើយតបទៅនឹងតម្រូវការទីផ្សារការងារនិងមុខរបរ។