Study Structure (MBA - None Thesis Track)

Master in Business Administration (Non Thesis Track)

ការពិពណ៌នា

• មូលដ្ឋានចម្បង ៖ ស្ថិតនៅក្នុងបរិបទសេដ្ឋកិច្ចទីផ្សារ និង​ឥទ្ធិពល​របស់​សាកល​ភាវូបនីយកម្ម ការគ្រប់គ្រង​មាន​សារៈ​សំខាន​សម្រាប់​ស្ថាប័ន​សាធារណៈ អង្គភាព​ឯកជន និង​អង្គការ​មិនមែន​រដ្ឋាភិបាល។ ដើម្បី​សិក្សា​ជំនាញ​គ្រប់គ្រង កម្រិត​បរិញ្ញាបត្រ​ជាន់ខ្ពស់ ឲ្យ​ទទួល​លទ្ធផល​ល្អ​ប្រសើរ សាកលវិទ្យាល័យ​តម្រូវ​ឲ្យ​បេក្ខជន​មាន​ចំណេះ​ដឹង​ជា​មូលដ្ឋាន លើ​មុខវិជ្ជា​ភាសាអង់គ្លេស កុំព្យូទ័រ និង​មាន​បរិញ្ញាបត្រ​នៅ​ក្នុង​ជំនាញ​ធុរៈកិច្ច សេដ្ឋកិច្ច ឬជំនាញ​ចាំបាច់​នានា​ផ្សេង​ពីនេះ (ឆ្លងកាត់​ការសម្រេច​ដោយ​ព្រឹទ្ធបុរស​មហាវិទ្យាល័យ)។
• កម្មវិធីសិក្សា ៖ សិក្សារយៈពេល២ឆ្នាំ​ ដោយមានចំនួនក្រេឌីត​សរុប​យ៉ាង​តិច ៤៥ក្រេឌិត​ឡើងទៅ។ រយៈ​ពេល​សិក្សា​ដែល​រាប់​ចាប់​តាំង​ពី​ការចុះឈ្មោះ​ចូលរៀន​ពី​ដំបូង​ទៅ​មិន​ឲ្យ​លើស​ពី ៤ឆ្នាំ សម្រាប់​និស្សិត​ពេញម៉ោង និង​មិន​ឲ្យ​លើស​ពី ៦ឆ្នាំ​សម្រាប់​និស្សិត​មិន​ពេញម៉ោង។

គោលបំណង

ជំនាញគ្រប់គ្រងមានគោលបំណង ផ្តល់ពុទ្ធិឲ្យនិស្សិតសិក្សាថ្នាក់បរិញ្ញាបត្រជាន់ខ្ពស់ នូវ​ចំណេះ​ដឹង ជា​ច្រើន​ដែល​ទាក់ទង​ទៅនឹង​មូលដ្ឋាន​ច្បាស់លាស់​បែប​ស៊ីជម្រៅ​នៃ​ការគ្រប់គ្រង​ទូទៅ ការគ្រប់គ្រង​ការិយាល័យ ការគ្រប់គ្រង​ធនធានមនុស្ស ការគ្រប់គ្រង​ផលិកម្ម និង​ការប្រតិបត្តិ ការគ្រប់គ្រង​គម្រោង ឥរិយាបថ​របស់​អង្គភាព សហគ្រិនភាព ទំនាក់ទំនង​មនុស្ស ការគ្រប់គ្រង​លើ​ការវិនិយោគ ការគ្រប់គ្រង​ការផ្លាស់ប្តូរ ការគ្រប់គ្រង​អាជីវកម្ម​កម្រិត​អន្តរជាតិ ការគ្រប់គ្រង​យុទ្ធសាស្ត្រ ការគ្រប់គ្រង​គុណភាព​សរុប ការគ្រប់គ្រង​លើ​ការដឹក​ជញ្ជូន ការគ្រប់គ្រង​វប្បធម៌ចម្រុះ ។ល។

លទ្ធផលសិក្សា

ក្រោយពីបញ្ចប់ការសិក្សា និស្សិតមានសមត្ថភាពដូចខាងក្រោម ៖

• យល់ដឹងពីបែបស៊ីជម្រៅនៃការគ្រប់គ្រងទូទៅ ការគ្រប់គ្រង​ការិយាល័យ ការគ្រប់គ្រង​ធនធានមនុស្ស​ ការគ្រប់គ្រង​ផលិតកម្ម និង​ការប្រតិបត្តិ ការគ្រប់គ្រង​គម្រោង ឥរិយាបថ​របស់​អង្គភាព​សហគ្រិនភាព ទំនាក់ទំនង​មនុស្ស ការគ្រប់គ្រង​លើ​ការវិនិយោគ ការគ្រប់គ្រង​ការផ្លាស់ប្តូរ ការគ្រប់គ្រង​អាជីវកម្ម​កម្រិត​អន្តរជាតិ ការគ្រប់គ្រង​យុទ្ធសាស្ត្រ ការគ្រប់គ្រង​គុណភាព​សរុប ការគ្រប់គ្រង​លើការដឹកជញ្ជូន ការគ្រប់គ្រង​វប្បធម៌ចម្រុះ
• អាចគ្រប់គ្រងធនធានមនុស្សទទួលបាននូវប្រសិទ្ធភាពបាន​នូវ​ប្រសិទ្ធភាព
• យល់ដឹងពីអាកប្បកិរិយា ឥរិយាបថ បុគ្គលិកលក្ខណៈ របស់បុគ្គលិកនិយោជិត
• ដឹង​ពីររបៀបដើម្បីគ្រប់គ្រងយុទ្ធសាស្ត្រ ( បង្កើត​យុទ្ធសាស្រ្ត អនុវត្ត​យុទ្ធសាស្រ្ត និង​​ត្រួត​ពិនិត្យ​យុទ្ធសាស្រ្ត )
• យល់ដឹង​ពីដំណើរការនៃការធ្វើពាណិជ្ជកម្ម ( ដំណើរនៃការនាំចូលនិងការនាំចេញ )
• មានសមត្តភាពគ្រប់គ្រងគម្រោង ( គម្រោងអភិវឌ្ឍ និងគម្រោងវិនិយោគ )
• អាចដឹងនាំក្រុមការងារ និងអង្គភាពឲ្យដំណើរការទៅទទួលបាននូវប្រសិទ្ធភាពឮ
• អាចបង្កើតអាជីវកម្ម ដឹកនាំអាជីវកម្ម តូចធំគ្រប់ប្រភេទ

អ្នកសិក្សា​មុខជំនាញគ្រប់គ្រង អាចទៅ​បម្រើ​​ការងារ​នៅក្នុង​ស្ថាប័នរដ្ឋ ភ្នាក់ងារ​រដ្ឋាភិបាលជាតិ អន្តរជាតិ អង្គការ​មិនមែន​​រដ្ឋាភិបាល ក្រុមហ៊ុន រោងចក្រ​សហគ្រាស អាច​ទៅ​បម្រើ​ការងារ​នៅ​តាម​បណ្តា​ផ្នែក​នានា​ដូចជា​ផ្នែករដ្ឋបាល ផ្នែកផលិតកម្ម ផ្នែកគ្រប់គ្រង​ធនធានមនុស្ស ផ្នែកទំនាក់ទំនង ។ល។